قصة الغاز الذي سوف يأتي من اسرائيل

.......................
[rtl]#التهامي[/rtl]. طبعا معتز مطر بيستحمر متابعيه ليه بقا ؟
معتز مطر وظابط المخابرات التركى اللى مشغله مصر يوصل للناس ان الرئيس عبد الفتاح السيسي فرط فى حقول غاز مصرية لصالح اسرائيل وان ترسيم الحدود ده جائر فى حق مصر والشعب المصرى وبلا بلا بلا..
تعالى بقا نفهم سوا كدة ايه قصة ترسيم الحدود البحرية ويا ترى صح وللا غلط وحقنا فى حقول الغاز راح وللا لا ؟
سيب اللى فى ايدك وركز معايا خمس دقايق بس اعمل فنجان قهوة او كوباية شاى واقعد كدة وركز فى الخريطة وهنتكلم بلدى مش بالقانون الدولى عشان ما تزهقوش منى .
عندى هنا اربع اسهم بيشاورا على خطوط حدودية
السهم الاول ( الاسود ) بيشير للحدود المصرية الاسرائيلية فى سينا وبتنتهى الحدود دى عن بداية قطاع غزة مع الحدود المصرية لحد البحر المتوسط
وزى ما احنا ملاحظين ان الخط الحدودى ده واخد ميل الى اليسار شوية مش مستقيم لما اجى انا ارسم الحدود البحرية ببتدى عند اخر نقطة حدودية فى حدودى البرية واعمل خط بنفس الميل لها كانى بكملها يعنى لو مستقيم هطلع الخط مستقيم لو مايل هكمله بنفس الميل لاخر نقطة حدودية فى البحر
مع مراعاة خطو الحدود البرية للدول المشتركة معايا فى الحدود البرية والبحرية ومياهها الاقليمية ما هو احنا مش لوحدنا فى حوض المتوسط وده اللى هنلاحظه ان الخط مكمل للحدود البرية المصرية
حتى اخر نقطة فى المتوسط وتوقف عند حدود المياه الاقليمية القبرصية
ولو بصينا على الخط الحدودى اللى فاصل بيننا وبين مياه اسرائيل الاقليمية والمشار له بالسهم ( الاحمر ) هنلاقيه بيشاور على مثلث قاعدته بتبتدى من عند مدينة اشكول الاسرائيلية وبينتهى عند شواطئ رفح المصرية دى بقا المياه الاقليمية الفلسطينية وحدود
" قطاع غزة " مع مصر واسرائيل
السهم ( الازرق ) بيشير للخط الحدودى البحرى الفاصل بين المياه الاقليمية المصرية والاسرائيلية
بيبتدى من عند رأس المثلث اى نهاية خط الحدود البحرية المصرية الفلسطينية متمثلة فى قطاع غزة " يعنى مش كامل حدودنا البحرية الشرقية مع اسرائيل لا دى نصها مع غزة ونصها مع اسرائيل لان غزة لها مياه اقليمية محددة بالسمهين الاخضر والاحمر وحدود بحرية وللا هناكل حق فلسطين ؟
هنصدق معتز مطر ونقول مصر فرطت فى حدودها ونفرد خط الحدود ٩٠ درجة وندخل على مياه غزة الاقليمية وده مخالف لاتفاقية قانون البحار برضوا حقل تمارا وليفثيان مش هيدخلوا فى المياه الاقليمية المصرية
ثانيا : معتز مطر وزوبع وقنوات الفتنة قالوا ايه ان السيسي فرط فى حقول غاز مصرية لصالح اسرائيل وانه رسم الخدود لمصلحة اسرائيل وان المستفيد الاكبر من تريم الحدود البحرية هى اسرائيل واخدت تورتة غاز المتوسط لوحدها ومصر ما اخدتش حاجة????
بص على الخريطة تانى هتلاقى اشكال باللون البرتقالى دى عبارة عن علامات حقول الغاز فى المتوسط وبحجم الشكل هو حجم حقل الغاز
هتلاقى ان اكبرهم فى البحر المتوسط هو حقل "ظهر "روح بعينك كدة عند المياه الاقليمية الاسرائيلية هتلاقى اربع حقول بس اكبرهم تمارا وليفثيان والاتنين اصغر من حقل ظهر
وداخل المثلث حقول تانية دى بتاعة فلسطين
ارجع بقا للمياه الاقليمية المصرية هتلاقى الخريطة بتشير باللون البرتقالى لاكتر من ٣٠ حقل غاز فى المتوسط وزيهم فى الدلتا وده سبب الاخبار اللى بتقول ان مصر هتصبح مملكة الغاز الجديدة
وعمرك ما كنت هتعرف تحفر وتنقب عن غاز فى البحر من غير ما ترسم حدودك البحرية واللا هتلاقى كل من هب ودب فى المتوسط واقف لك واولهم قبرص
يعنى المستفيد الاول والاخير من ترسيم الحدود هى مصر وبس وضمنت معاها حق فلسطين كمان
تعالى للكبيرة بقا لو اسرائيل فى خط الترسيم من عند اشكول اخد خط مستقيم وفقا لحدوده هيدخل فى نص حقل ظهر
ودى مشكلة نتنياهو فى اسرائيل بيقولوا له المصريين ضحكوا عليك فى خط ترسيم الحدود واخدوا منك حقل ظهر مقابل حقول داخل مياهنا الاقليمية اه والله وهو اشار لده النهاردة فى خطابه وقال للاسرائيلين انتم كنتم معترضين على ترسيم الحدود البحرية
عرفت مستقبل مصر فى الغاز عامل ازاى لا ده احنا كمان اخدنا فائض انتاج حقول الغاز الاسرائيلية لمدة ١٥ سنة وهنصدره بمعرفتنا
"يعنى اتحكمنا فى غاز المتوسط كله " وبقينا منفذه الوحيد لاوروبا .
عشان كدة تميم واردوغان بيلطموا النهاردة فى اعلامهم
لان مصر انتصرت النهاردة فى معركة غاز المتوسط او معركة الطاقة واتحكمت فيه كامل
ودى اقدر اسميها باعلان نتنياهو النهاردة صفعة لتركيا وقطر ورضوخ اسرائيلى لمصر .
انتهى
منقووووووووول

قصة الغاز الذي سوف يأتي من اسرائيل 27972793_1861962837208582_87503656612657904_n

قصة الغاز الذي سوف يأتي من اسرائيل 27972793_1861962837208582_87503656612657904_n